राजबहादुर शाही
साउन ८ मुगु
मुगुको सोरु गाउँपालिकामा कार्यरत ९ जना कार्यालय सहायकले विगत ९ महिना देखि तलव सुविधा पाउन सकेका छैनन् ।गाउँपालिकामा कार्यरत कार्यालय सहायकलाई प्रति महिना ८ हजार तलव दिने निर्णय गरेर स्वास्थ्य कार्यलय र गाउँपालिकामा सहायक कर्मचारीको रुपमा नियुक्ती गरिएको थियो ।
कार्यालय सहायक दिप बहादुर बुढाले लामो समय तलव सुविधा नदिदा दैनिक खर्च चलाउन समस्या भएको बताउनुभयो ।उहाँले पटक–पटक तलवको माग गर्दा वेवास्ता गर्ने गरेको बताउनुभयो ।
गाउँपालिका प्रमुख लोकबहादुर शाहीले भने बजेटको ब्यबस्था मिलाएर तलब दिने बताउनुभयो । गाउँपालिकाका ३८ जना स्वास्थ्यकर्मीले अझै कोरोना महामारी नियन्त्रणमा खटिए बाफतको जोखिम भत्ता पाएका छैन ।
प्रतिक्रिया दिनुहोस